Արքայադուստրերը “HAPPY END”-ից հետո։ Կյանքի դառը իրականությունը

Leave a comment

2009թ․ Վանկուվերում ֆոտոնկարիչ Դինա Գոլդշտայնի “Ընկած արքայադուստրերը” ցուցահանդեսը մեծ աղմուկ բարձրացրեց՝ դառնալով բազմաթիվ քննադատների ուշադրության առարկա։ Ցուցահանդեսում ներկայացված ֆոտոնկարներում արվեստագետը ներկայացրել էր դիսնեյան հայտնի մուլտֆիլմերի արքայադուստրերի կյանքը հեքիաթի ավարտից տարիներ անց։ Աշխատանքների մասին հնչեցին բազմաթիվ հակասական կարծիքներ, անգամ մեղադրանքներ։ Սակայն փաստ է, որ Դինա Գոլդշտայնի աշխատանքները աննկատ չմնացին։

Հատկապես երկու ֆոտոնկար դարձան թեժ դեբատների առարկա՝ դիսնեյան Ժասմինը և Կարմիր Գլխարկը։ Սակայն երկար քննադատություններ լսելուց հետո նկարիչը պարզաբանեց, որ բոլոր աշխատանքները իր պատկերացումներն են, և ինքը փորձել է ներկայացնել այն իրավիճակները, որոնք կարող էին պատահել արքայադուստրերի հետ, եթե վերջիններս ապրեին մեր օրերում։

Ըստ էության, հեղինակը փորձել է մարդկանց ուշադրությունը գրավել մի շարք արդիական խնդիրների վրա՝ իր արվեստով ներդրում կատարելով դրանց լուծման մեջ։

“Անգամ հեքիաթի արքայադուստրերին են վերաբերում այն խնդիրները, որոնց կանայք բախվում են ամեն օր”,- ասել է նա։ Նկարներում Գոլդշտայնը անդրադարձել է ռասսիզմին, սեքսիզմին, այլ տիպի խտրականություններին, որոնք ցանկացած կնոջ կյանքում առկա են՝ անկախ նրա ազգությունից։

Ցուցադրության ներկայացրած աշխատանքները, ըստ էության, ամփոփում են այն միտքը, որ ճշմարտությունը ոչ միշտ է քաղցր, իսկ հեքիաթները կարող են և տխուր շարունակություն ունենալ։ “Happy end”-ից հետո պատմությունները շարունակվում են։ Պետք է մնալ ռեալիստ, փորձել տեսնել խնդիրները, լուծել դրանք, և չթաքնվել հեքիաթային իրականության մեջ։

Հ․Գ․ Սեղմեք նկարների վրա, դրանք ավելի մեծ դիտելու համար։

disney_princess_in_real_life_1

Արիել (Ջրահարս)

disney_princess_in_real_life_2

Բելլ (Գեղեցկուհին և հրեշը)

disney_princess_in_real_life_4

Ժասմին (Ալլադին)

disney_princess_in_real_life_10

Սպիտակաձյունիկ (Սպիտակաձյունիկը և յոթ թզուկները)

disney_princess_in_real_life_9

Քնած գեղեցկուհին

disney_princess_in_real_life_8

Կարմիր Գլխարկը

disney_princess_in_real_life_7

Ռապունցել

disney_princess_in_real_life_6

Պոկահոնտաս

disney_princess_in_real_life_5

Արքայադուստը սիսեռահատիկի վրա

disney_princess_in_real_life_3

Մոխրոտիկը

Խնայող մարդիկ ավելի գրավիչ են հակառակ սեռի համար

1 Comment

Հետազոտությունները ցույց են տվել, որ խնայող մարդկանց ինքնատիրապետումը նրանց ավելի սեքսուալ է դարձնում:

Եթե Դուք ցանկանում եք ինչ-որ մեկին դուր գալ, ցույց տվեք Ձեր տնտեսող կողմը: Այն կհամոզի Ձեր ընտրյալին, որ Դուք պատասխանատու, զգայուն եւ առողջ մարդ եք: Գումարած այն, որ Ձեզ ավելի սեքսուալ կհամարեն, ինչպես պարզվել է նոր հետազոտության շնորհիվ:

«Երբ մարդկանց ցույց եք տալիս նույն անձի պատկերը, սակայն մի անգամ նշում եք, որ նա խնայող է, իսկ մյուս անգամ՝ ծախսող, ապա խնայողը ավելի գրավիչ է դիտվում հակառակ սեռի ներկայացուցիչների համար», – ասում է Ջեննի Օլսոնը (Միչիգանի համալսարանի Ռոսս բիզնես դպրոցի PhD թեկնածու):

Օլսոնը իր հետազոտության մեջ ասում է, որ խնայող ասելով ինքը նկատի չունի ագահ կամ գծուծ մարդկանց: «Գծուծ մարդկանց մեջ ոչ մի գրավիչ բան չկա»,- ասում է նա: Եթե ագահ մարդը գումարը ուղղակի չի ծախսում, ապա խնայողը այն կուտակում է հանգստի ուղեգիր, մեքենա, տուն կամ մեկ այլ խոշոր գնում կատարելու համար:

Հետաքրքիր է, որ կան ագահության «մատնիչ նշաններ»: Նույնիսկ առաջին հանդիպմանը կարելի է նկատել բնավորության այս գիծը: Օրինակ՝ ռեստորանում թեյավճար թողնելը: Գծուծ մարդը չի թողնի թեյավճար, որովհետև չի ցանկանում բաժանվել իր փողից, անգամ եթե շատ ունի: Իսկ խնայող մարդը գիտակցում է, որ թեյավճարը մատուցողի վաստակն է և անգամ ոչ մեծ գումար ունենալու դեպքում թեյավճար է թողնում: Անհրաժեշտության դեպքում նա այլ, ավելի հարմար իրավիճակներ կգտնի խնայելու համար (օրինակ՝ կհրաժարվի հերթական մեկ բաժակ սուրճը խմելուց):

Հետազոտության արդյունքները վերաբերում են ինչպես տղամարդկանց, այնպես էլ կանանց: Այս թեմայի շուրջ ուսումնասիրությունների մասին Օլսոնը և Միչիգանի համալսարանի դոցենտ Սքոթ Ռիքը հրապարակել են մի գիրք՝ «A Penny Saved Is a Partner Earned: The Romantic Appeal of Savers» անվամբ: Նրանք փորձել են ցույց տալ, որ կանայք իրենց կյանքի երկրորդ կեսին փնտրելիս ուշադրություն են դարձնում առաջին հերթին տղամարդու ֆինանսապես ապահովված լինելուն: Սա, ըստ էության, հակասում է այն համընդհանուր կարծրատիպին, որ կանայք իրենց ընտրություն կատարում են՝ հիմնվելով զգամունքների վրա:

«Չկա սեռերի միջև տարբերություն. տղամարդիկ և կանայք խնայողներին ավելի համակրելի են համարում», – ասում է Օլսոնը: Ինչու՞: Պատճառները մի քանիսն են: Նախ խնայողություն կատարել կարող են միայն ինքնակառավարման ունակություններով օժտված մարդիկ: Ովքեր կարող են հաջողությամբ «հետ պահել» իրենց ավելորդ ծախսերից, կարող են նույն հաջողությամբ հետ պահել իրենց ալկոհոլից, ծխախոտից և մոլախաղերից (азартные игры): Իսկ պոտենցիալ գործընկերները խնայող մարդկանց տեսնում են որպես աշխատասեր, լավ վարկային պատմություն ունեցող, և երկարաժամկետ պլանավորման ունակություններով օժտված մարդ:

Համաձայն մեկ այլ համալսարանի հետազոտությունների՝ խնայողները նաև ավելի առողջ են, ինչպես ֆիզիկապես, այնպես էլ մտավոր: Հետաքրքիր է, որ Նորդվեստերն համալսարանի Ֆեյնբերգի բժշկական դպրոցի հետազոտողները գտել են ուղիղ կապ մարդու ունեցած պարտքերի և հոգեկան առողջության միջև: Այս հետազոտությանը մասնակցել է 24-32 տարեկան 8.400 մարդ: Պարզվել է, որ մեծ պարտքեր ունեցողները ավելի շատ են հակված ստրեսի և դեպրեսիայի, ավելի հաճախ են դիմում բժշկի, ավելի դժգոհ են իրենց ընդհանուր առողջական վիճակից: Մեծ պարտքերը 1.3% բարձրացնում են արյան ճնշումը, ինչը 15%-ով ավելացնում է կաթվածի հավանականությունը:

«Պարտադիր չէ, որ պարտքի և ֆիզիկական առողջության միջև կապը երևա երիտասարդ մարդկանց մոտ, սակայն ժամանակի ընթացքում այն ավելի ակնհայտ է դառնում», – ասում է Էլիզաբեթ Սվիթը, ով հետազոտության հեղինակներից մեկն է:

Քանի որ խնայող մարդիկ հիմնականում ընկալվում են որպես ինքնակառավարման ավելի մեծ ունակություններով անձինք, քան ծախսողները, ապա Օլսոնի կարծիքով տրամաբանական է ենթադրել, որ նրանք հարաբերություններում ավելի գրավիչ են: Ինքնակառավարումը կարևոր է, քանի որ դրա շնորհիվ է, որ զուգընկերները զսպում են իրենց անհիմն վեճերից, մեկը մյուսին վիրավորելուց, անգամ դավաճանությունից: Այլ կերպ ասած՝ նրանք ավելի վստահելի են: Օլսոնը նկատել է նաև, որ այն մարդիկ, ովքեր ընտրում են ծախսողներին, ակնկալում են իրենց ընտրության դիմաց «ֆինանսական փոխհատուցում»: Այսինքն՝ եթե մարդը ծախսող է, ապա նրանից ակնկալում են առվազն մի քանի անգամ ավելի բարձր եկամուտ, քան խնայողից: Հետազոտության մեջ սա երևում է այն փաստով, որ հարցվածների կարծիքով խնայող մարդը միջինում աշխատում է 63.340 ԱՄՆ դոլար, իսկ ծախսողը՝ 236.250 ԱՄՆ դոլար: Միևնույն ժամանակ սա ընգծում է, որ խնայողներին որպես զուգընկեր ընտրելը հիմնված չէ նրանց ֆինանսական դրության վրա:

Բայց պետք չէ շտապել ուրախանալ, սիրելի խնայողներ. հետազոտության հեղինակները բացահայտել են նաև, որ խնայողները ավելի ձանձրալի են, քանի որ խնայողները ավելի քիչ են հակված ռիսկային քայլերի, քան ծախսողները: Սակայն, նույնիսկ դա հաշվի առնելով, նրանք շարունակում են մնալ ավելի համակրելի զուգընկեր, քան ծախսող մարդիկ:

Ըստ Yahoo Finance թղթակից Ջենիֆեր Ուոթերսի

Հիմա ում հետ ենք համեմատվում?

1 Comment

Կոտորվեցինք մեր երկիրը եւ մեր ազգը այլ երկրների եւ ազգերի հետ համեմատելով: Իհարկե, ամեն ինչ համեմատական է, բայց գոնե կողմնորոշվել, թե ում հետ կարող ենք համեմատվել կարելի էր վաղուց:

Մենք  տնտեսության զարգացման հարցում չենք կարող համեմատվել ԱՄՆ հետ, որովհետեւ ԱՄՆ 70 տարի Սովետական միության անդամ երկիր չի եղել, հիմա էլ նոր զարգացող չէ:

Մենք չենք կարող մեր մեծերի նկատմամբ հարգանքի մշակույթը համեմատել Հարավաֆրիկյան Հանրապետության հետ, որովհետեւ մենք մշակութային ընդհանրապես ոչ մի նմանություն չունենք:

Մենք մեր բժիշկներին չենք կարող համեմատել եվրոպական կամ ամերիկյան բժիշկների հետ, քանի որ նրանք մի քանի տասնյակ անգամ ավելի շատ գումար են ծախսում սովորելու, իսկ հիվանդները՝ բուժվելու վրա:

Առհասարակ որպեսզի ցանկացած համեմատություն իմաստ ունենա, պետք է հաշվի առնել, թե ինչպիսի կարեւոր նմանություններ ունեն երկրները եւ ազգերը: 

Մենք չենք կարող համեմատել մեր առավելություններն ու թերությունները այն երկրների եւ ազգերի հետ, որոնց հետ համեմատությունը մեզ ՁԵՌՆՏՈՒ է: Համեմատությունը պետք է լինի օբյեկտիվ, որպեսզի մենք էլ ի վերջո հասկանանք՝ որ ուղղությամբ է  պետք շարժվել:

Բիզնես LABoratoria Հայաստանում

Leave a comment

Ամբողջ աշխարհում վաղուց գործում է «բիզնես ինկուբատոր» կամ «բիզնես լաբորատորիա» կոչվածը: Շատ երկրներում այսպիսի ծրագրեր շատ կան, որոշ երկրներ դեռ նոր են սկսում այդ ուղղությամբ քայլեր ձեռնարկել:

Բիզնես ինկուբատորը մի սխեմա է, որը օգնում է հատկապես երիտասարդներին գաղափարից բիզնես ստեղծել : Ինչպե՞ս:

Նախ որեւէ կազմակերպություն կամ հիմնադրամ նախաձեռնում է «գաղափարների հավաքագրում»: Այսինքն՝ բոլոր ցանկացողները կարող են իրենց բիզնես գաղափարները ուղարկել (շատ դեպքերում մեկ-երկու նախադասությամբ): Այնուհետեւ սկսվում է գաղափարների ֆիլտրացիա: Ընտրվում են հետաքրքիր եւ ռեալիստիկ գաղափարներ, զրուցում են մասնակիցների հետ: Ի վերջո առանձնացվում է ընտրված դիմումների ցանկ, որի հիման վրա էլ հրավիրում են մասնակիցներին սեմինարի կամ ուղղակի հանդիպման: 

Մի շարք ծրագրերում կարող են հրավիրել նաեւ չընտրված մասնակիցներին, որպեսզի նրանք նույնպես մասնակցեն սեմինարներին կամ միանան ընտրված մասնակիցներին՝ գաղափարը թիմով կյանքի կոչելու համար (ինչպես օրինակ Kolba Labs-ն է):

Այնուհետեւ բիզնես ինկուբատորը օգնում է գաղափարները իրականացնել՝ սկսած դրանց վերջնական տեսքի բերելուց վերջացրած ֆինանսական ռեսուրսներ փնտրելով: Արդյունքում ստեղծվում են փոքր բիզնեսներ, որոնք նվիրվածության եւ աշխատասիրության շնորհիվ կարող են մեծ եւ լուրջ ընկերությունների վերածվել, անգամ դուրս գալ Հայաստանի սահմաններից:

logoՄինչեւ վերջերս չգիտեի, որ գոյություն ունի նմանատիպ բիզնես ինկուբատոր Հայաստանում: Իսկ հիմա գիտեմ միանգամից երկուսի մասին: Մեկը «Ձեռնարկությունների Ինկուբատոր» հիմնադրամն է, որը մասնագիտացել է տեղեկատվական և հեռահաղորդակցության տեխնոլոգիաների ոլորտում:

kolbalabs square 002-1Մյուսը՝ Kolba Labs-ը, որ մասնագիտացել է սոցիալական խնդիրներ լուծող բիզնես գաղափարների ոլորտում, սակայն շարունակում է ընդունել նաեւ այլ բնույթի բիզնես գաղափարներ:

Կարծում եմ երիտասարդներին արժի գոնե մի անգամ փորձել օգտվել բիզնես ինկուբատորի ծառայությունից: Եթե ձեր գաղափարները չընտրվեն, դուք ամեն դեպքում փորձ, գիտելիքներ եւ կապեր ձեռք կբերեք: Մտածե՛ք, ստեղծե՛ք, փորձե՛ք, զարգացրե՛ք:

Մուրացկանները եւ մարքեթինգը

Leave a comment

Մուրացկանների կողքով մեզնից յուրաքանչյուրը օրվա ընթացքում գոնե մեկ անգամ անցնում է։ Ինքներդ Ձեզ հարցրե՞լ եք, թե ինչու ինչ-որ մի մուրացկանի գումար տալիս եք, մյուսին՝ ոչ․․․ 

Վերջերս շատերը սկսել են «ծառայություններ» մատուցել, որպեսզի «արդարացնեն» իրենց տրվող գումարները: Ոմանք ուղղակի ասում են կամ գրում են, որ կույր են, համր կամ այլ հազար ու մի պատճառ փող մուրալու համար: Իսկ շատ մուրացկաններ ընտրում են «կրեաԾիվ» ուղիներ, ավելի հաճախ հետաքրքիր գրությունների տեսքով: Ահա նրանցից մի քանիսը.

Անհրաժեշտ է փող ալկոհոլի հետազոտության համար

1$-ի վրա գրազ եմ գալիս, որ կտեսնես այս գրությունը

Փող եմ ուզում կամ իմ ձայնը կտամ Հիլարիին (Հիլարի Քլինթոնին՝ ԱՄՆ նախագահական ընտրությունների թեկնածու)

Շատ տգեղ եմ մարմնավաճառությամբ զբաղվելու համար,
Շատ հիմար եմ գողություն անելու համար

Իմ հորը սպանել են նինջաները: Կարատե սովորելու համար փողի կարիք ունեմ:

Ինչու՞ խաբել: Խմիչքի կարիք ունեմ:

Ուսումը ԲՈւՀ-ով չի ավարտվում

Leave a comment


social-learning_smallՎերջերս իմ ընկերներից մեկը ասաց. «Ուզում եմ ինչ-որ ստեղծագործական բան սովորեմ… երևի կավագործություն, բայց մտածում եմ կողքից կասեն գիժ ա՝ համալսարանն ավարտել ա, բանկում ա աշխատում, 30-ն անց ու ամուսնացած չի: Ի՞նչ կավագործություն, դրա տեղը ամուսնացի»

Այդ պահին ծիծաղեցինք, բայց հետո սկսեցի մտածել խնդրի շուրջ: Հայաստանում մարդիկ սովորել ասելով պատկերացնում են դպրոցն ու ԲՈւՀ-ը, իսկ հետո պետք է ամուսնանալ, ընտանիք կազմել և աշխատել: Եվ վերջ: Այդքանով ավարտվում է անձի զարգացումը:

Բայց անձի զարգացումը կարևոր է, իսկ այն ապահովելու համար  պետք է սովորել: Իրականում պարտադիր չէ ամբողջ կյանքն անցկացնել դպրոցական նստարանին կամ ԲՈւՀ-ի լսարանում, որպեսզի մեզ կոչենք ողջ կյանքի ընթացքում սովորող: Ցկյանս ուսումնառությունը շարունակական է, կամավոր, ինքնամոտիվացված: Այն չի պարտադրում վայր կամ դասացուցակ: Ցկյանս ուսումնառությունը կարող է տարբեր լինել: Կարող ենք գիրք կարդալ, ինտերնետում փնտրել հետաքրքիր հոդվածներ և ֆիլմեր: Բազմաթիվ կայքեր այսօր առաջարկում են օնլայն անվճար ուսուցում: Իհարկե, կրեդիտներ չենք ստանա այդ ծրագրերի համար, բայց կարող ենք սովորել մեզ համար հետաքրքիր և օգտակար բաներ:

Անգամ անծանոթ մարդու հետ զրուցելով մենք շատ բան կարող ենք սովորել, թեկուզ իր մասնագիտությունից: Օտար մասնագիտությունից մի փոքր մաս սովորելը նույնպես կարևոր է: Հոգեբանությունը, աստղագիտությունը, պատմությունը և շատ այլ գիտություններ այդ հնարավորությունը տալիս են: Ցանկացած նոր համակարգչային ծրագիր սովորելը ողջ կյանքի ընթացքում ուսման մաս է: Ֆեյսբուքով նույնպես կարող ենք սովորել՝ դիտելով մեր ընկերների և տարբեր էջերի միջոցով տարածվող տեղեկությունները, լուրերը, հետաքրքրաշարժ տեսանյութերը:

circular-learning-styles-visual

Հայաստանում թերևս քիչ կհանդիպես տնտեսագետի, որ նաև նկարում է, կամ իրավաբանի, որ երգում է, կամ բժշկի, որ նաև կավագործ է: Երևի Հայաստանում մարդիկ ինչ-որ նոր բան, հատկապես արհեստ սովորելը ընկալում են սոցիալական ցածր խավին բնորոշ երևույթ և խուսափում են դրանից: Իսկ իրականում նոր բան ցանկանում են սովորել հոգեպես հարուստ մարդիկ, ովքեր ինքնավստահ են, կայացած և միշտ «մի փոքր ժամանակ ունեն ինչ-որ լավ բան անելու համար»:

Նորից հիշեցի այն ընկերոջս. «Լավ, ենթադրենք սովորեցի կավագործություն: Մտածում եմ բա հետո՞: Հո Վերնիսաժում չեմ կանգնելու՞: Մեկ ա էլի բանկում եմ աշխատելու, բան չի փոխվի»:

Ողջ աշխարհում ինքնազարգացմամբ զբաղվող մարդիկ ավելի երջանիկ և բավարարված են իրենց կյանքում և միջինում ավելի շատ են վաստակում: 

Շատերը ասում են, որ ընտանիք կազմելուց հետո «նման բաների համար ժամանակ չի մնում»: Իրականում զույգերը/ամուսինները կարող են միասին սպորտով զբաղվել, նկարել, կավագործություն սովորել: Դա ոչ միայն հանգստացնում, լիցքաթափում է մարդուն, այլև մտերմացնում: Միգուցե նաև դա է պատճառը, որ ընդհանուր շատ հետաքրքրություններ ունեցող մարդիկ ավելի ամուր ընտանիքներ են կազմում: Իսկ եթե ընդհանուր հետաքրքրություններ չկան, կարելի է ստեղծել…

«Իսկ երեխաների հետ ավելի քիչ ժամանակ է մնում»… Իսկ ո՞վ է ասել, որ սովորել կարելի է միայն մենակ մնալով: Երեխայի հետ միասին կարելի է շատ բան սովորել: Երեխաների հետ միասին կարող է սովորել և զարգանալ նաև ծնողը:

Ցանկանում եմ ասել, որ ողջ կյանքի ընթացքում սովորելը կարող է լինել օգտակար, ոգեշնչող, ստեղծագործ, կիրառելի, հաճելի և բազմաթիվ այլ «լավ բաներով» օժտված: Մի խուսափե՛ք նոր ինֆորմացիայից, սովորեք այն տեղին և ճիշտ կիրառել: Ի վերջո կյանքը մեզ այդ հնարավորությունը տալիս է:

Կրկնօրինակել, թե ոգեշնչվել…

1 Comment

Ցանկացած բրենդ ունի իր արժեքային համակարգը, որը առաջին հերթին արտացոլվում է բրենդի ապրանքանշանում (logo): Շատ դեպքերում նոր ապրանքանիշ ստեղծելիս ոչ թե պետք է «կրկնօրինակել», այլ «ոգեշնչվել»: Դիտարկենք օրինակով:

Jessica N Designs ընկերության լոգոն իրենից ներկայացնում է ծաղիկներով շրջապատված գեղեցիկ տառատեսակով օվալ պատկեր: Երբ Leonora Lee ընկերությունը պատվիրում էր իր լոգոն, ապա ցանկությունը Jessica N Designs ընկերության լոգոյին նման լինելն էր: Սակայն ցանկացած մարքեթինգային ընկերության, ցանկացած մասնագետի համար պետք է պարզ լինի, որ դա «ոգեշնչվելու» աղբյուր է, ոչ թե «կրկնօրինակելու»:

Երբ պատրաստվեց 1-ին տարբերակը, պարզ էր, որ չնայած փոխվել էին գույներ, տառատեսակ, այնուամենայնիվ դա շարունակում էր մնալ նախորդի կրկնօրինակը: Պահպանվել էր օվալը, լոգոյի արտաքին տեսքը, դետալների դիրքը եւ այլն: Արդյունքում՝ հավատարիմ մնալով «ոգեշնչման» մեթոդին, ստեղծվեց երկրորդ տարբերակը, որտեղ պահպանվել էր ծաղիկներով եւ նուրբ գույներով ներկայանալու գաղափարը, սակայն սկզբնական նմանությունը այլեւս չկար, իսկ արտաքին դետալները ամբողջությամբ այլ էին: Ավելին, Leonora Lee-ի լոգոն միանշանակորեն տարբերվում էր եւ ճանաչելի էր իր մրցակցից: 

Ուշադիր եղեք մանրուքների նկատմամբ, քանի որ հաճախ հենց դրանք են որոշիչ լինում: Այս կամ այն լոգոն կրկնօրինակելուց կամ ուղղակի գույներ փոփոխելով արդյունք ստանալուց պետք է խուսափել; Միշտ ավելի լավ է ստեղծեք Ձերը: Անպայման չէ, որ այն բարդ գրաֆիկական դետալներ ունենա: Ինչպես փորձը ցույց է տալիս, բազմաթիվ ճանաչված ընկերությունների լոգոներ շատ պարզ եւ հասարակ տեսք ունեն:

Older Entries

Follow

Get every new post delivered to your Inbox.

Join 50 other followers