Արքայադուստրերը “HAPPY END”-ից հետո։ Կյանքի դառը իրականությունը

Թողնել մեկնաբանություն

2009թ․ Վանկուվերում ֆոտոնկարիչ Դինա Գոլդշտայնի “Ընկած արքայադուստրերը” ցուցահանդեսը մեծ աղմուկ բարձրացրեց՝ դառնալով բազմաթիվ քննադատների ուշադրության առարկա։ Ցուցահանդեսում ներկայացված ֆոտոնկարներում արվեստագետը ներկայացրել էր դիսնեյան հայտնի մուլտֆիլմերի արքայադուստրերի կյանքը հեքիաթի ավարտից տարիներ անց։ Աշխատանքների մասին հնչեցին բազմաթիվ հակասական կարծիքներ, անգամ մեղադրանքներ։ Սակայն փաստ է, որ Դինա Գոլդշտայնի աշխատանքները աննկատ չմնացին։

Հատկապես երկու ֆոտոնկար դարձան թեժ դեբատների առարկա՝ դիսնեյան Ժասմինը և Կարմիր Գլխարկը։ Սակայն երկար քննադատություններ լսելուց հետո նկարիչը պարզաբանեց, որ բոլոր աշխատանքները իր պատկերացումներն են, և ինքը փորձել է ներկայացնել այն իրավիճակները, որոնք կարող էին պատահել արքայադուստրերի հետ, եթե վերջիններս ապրեին մեր օրերում։

Ըստ էության, հեղինակը փորձել է մարդկանց ուշադրությունը գրավել մի շարք արդիական խնդիրների վրա՝ իր արվեստով ներդրում կատարելով դրանց լուծման մեջ։

“Անգամ հեքիաթի արքայադուստրերին են վերաբերում այն խնդիրները, որոնց կանայք բախվում են ամեն օր”,- ասել է նա։ Նկարներում Գոլդշտայնը անդրադարձել է ռասսիզմին, սեքսիզմին, այլ տիպի խտրականություններին, որոնք ցանկացած կնոջ կյանքում առկա են՝ անկախ նրա ազգությունից։

Ցուցադրության ներկայացրած աշխատանքները, ըստ էության, ամփոփում են այն միտքը, որ ճշմարտությունը ոչ միշտ է քաղցր, իսկ հեքիաթները կարող են և տխուր շարունակություն ունենալ։ “Happy end”-ից հետո պատմությունները շարունակվում են։ Պետք է մնալ ռեալիստ, փորձել տեսնել խնդիրները, լուծել դրանք, և չթաքնվել հեքիաթային իրականության մեջ։

Հ․Գ․ Սեղմեք նկարների վրա, դրանք ավելի մեծ դիտելու համար։

disney_princess_in_real_life_1

Արիել (Ջրահարս)

disney_princess_in_real_life_2

Բելլ (Գեղեցկուհին և հրեշը)

disney_princess_in_real_life_4

Ժասմին (Ալլադին)

disney_princess_in_real_life_10

Սպիտակաձյունիկ (Սպիտակաձյունիկը և յոթ թզուկները)

disney_princess_in_real_life_9

Քնած գեղեցկուհին

disney_princess_in_real_life_8

Կարմիր Գլխարկը

disney_princess_in_real_life_7

Ռապունցել

disney_princess_in_real_life_6

Պոկահոնտաս

disney_princess_in_real_life_5

Արքայադուստը սիսեռահատիկի վրա

disney_princess_in_real_life_3

Մոխրոտիկը

Advertisements

Իմ 2-րդ անհատական ցուցահանդեսը…

Թողնել մեկնաբանություն

Իմ հերթական անհատական ցուցահանդեսի մասին՝ Դար 21-ի եթերում (ՍԿՍԱԾ 7-րդ րոպեի 20-րդ վայրկյանից).

Շնորհակալ եմ հեռուստաալիքին եւ հատկապես File Pro-յի անձնակազմին՝ ռեպորտաժի համար:

Հ.Գ. Ցուցահանդեսին ներկայացվել են յուղաներկով եւ ածուխով հեղինակային աշխատանքներ: Մանրամասների համար կարող եք գրել բլոգի հետադարձ կապի օգնությամբ կամ քոմենթ թողնել ներքեւում:

Իմ անհատական ցուցահանդեսը «Էսպաս» կենտրոնում

Թողնել մեկնաբանություն

299962_528958003782719_1481799032_nԴեկտեմբերի 8-ին ժամը 17։00-ին «ԿԱԶԱ» շվեյցարական մարդասիարական հիմնադրամի «Էսպաս» կենտրոնում տեղի կունենա «Շշնջոցներ» վերնագրով իմ անհատական ցուցահանդեսի բացումը։

Ցուցահանդեսին ներկայացրել եմ ածուխով և յուղաներկով գեղարվեստական աշխատանքներ։

Ցուցահանդեսը շարունակվելու է մինչև դեկտեմբերի 21-ը: Յուրաքանչյուր օր բացի կիրակիից և երկուշաբթիից, ժամը 10:00-ից 19:00-ն կարող եք այցելել Էսպաս, դիտել նկարները, գրել Ձեր տպավորությունները կարծիքների գրքում կամ հատուկ այդ նպատակով նախատեսված կտավի վրա 😉

Սիրով հրավիրում եմ բոլորին:

Որպեսզի հեշտությամբ կարողանաք գտնել Էսպաս կենտրոնը, ստորև ներկայացնում եմ օգնական քարտեզ:

KASA espas hasce