Լոտոյով շահած հաջողակների հետագա ճակատագիրը

Թողնել մեկնաբանություն

Ամեն օր միլիոնավոր մարդիկ լոտո են գնում՝ մեծ գումարներ շահելու հույսով: Մեզնից յուրաքանչյուրը  գոնե մի անգամ պատկերացրել է, թե միլիոն ունենալու դեպքում ինչե՜ր կարող է անել…

Բոլորս էլ ուզում են միլիոնատեր դառնալ (բացի միլիարդատերերից, իհարկե), բայց արդյո՞ք պատրաստ ենք… Իրականում միանգամից մեծ գումարի տեր դառնալը ոչ միշտ է երազանքների իրականացում խոստանում: Դժվար չէ դրանում համոզվել՝ տեսնելով, թե ինչ ճակատագիր են ունեցել լոտոյով խոշոր շահում ունեցողները:

Փաստ է, որ վիլլաների, ոսկու, ճոխ կյանքի մասին երազողները լոտոյով հսկայական գումարներ շահելուց հետո խրվել են պարտքերի մեջ, կապվել են հանցագործ աշխարհի հետ, բանտ են նստել եւ այլն…

Այսպիսով՝ Ձեզ ենք ներկայացնում լոտոյով ամենախոշոր 10 շահում ունեցողների հետագա ճակատագիրը:

1. Ջեք Ուիթթաքերy 314.9 միլիոն ԱՄՆ դոլար ջեքփոթը շահեց 2002թ: Արդեն 2007թ-ին նրա կինը հայտարարեց, որ շատ կուզենար ժամանակին «պատռած լիներ լոտոյի շահած տոմսը»: Այս հայտարարության պատճառը բազմաթիվ կալանավորումների, դատական գործերի, անգամ մահվան դեպքերի երկար շղթայի հետեւանք էր: Իսկ այդ այդ շղթան 2002թ. շահումի հետեւանքն էր:

2. Ուիլիամ Փոսթը շահեց 16.2 միլիոն ԱՄՆ դոլար 1988թ: Եթե հաշվի առնենք տարեթիվը, դժվար չէ պատկերացնել, թե ինչ հասկայական գումարի մասին է խոսքը: Ավելի ուշ նա պատմեց շահումից հետ իր ապրած կյանքի մասին՝ այն անվանելով «մղձավանջ» եւ ասելով, որ կցանկանար երբեք չշահել այդ գումարը: Սրա պատճառն այն է, որ անմիջապես շահումից հետո նրա նախկին ընկերուհին դատարան դիմեց՝ իրեն հասանելիք գումարը ստանալու համար: Սակայն, տեսնելով, որ ոչինչ չի ստացվում խնդրեց իր եղբորը՝ մարդասպան վարձել: Ի վերջո Ուիլիամը անհաջող ներդրում արեց, ինչի հետեւանքով մեկ տարի անց 1 միլիոն ԱՄՆ դոլարի պարտք կուտակեց: Ներկա պահին նա ապրում է պետությունից տրամադրվող գումարների հաշվին՝ որպես սոցալապես անապահով:

3. Մեծ Բրիտանիայի բնակիչ Լյուք Փիթթարդը  ազգային վիճակահանությամբ 1.3 միլիոն ֆունտ ստեռլինգ շահեց: Հարսանիք անելուց, տուն գնելուց, ճանապարհորդելուց եւ շահած գումարը ամբողջությամբ վատնելուց հետո նա վերադարձավ ՄակԴոնալդսում աշխատելու համար:

4. Սիցիլիացի անհայտ անունով մի մարդ 79 միլիոն ֆունտ ստեռլինգ շահեց 2008թ: Մինչ այս մարդը կկարողանար իր շահումը վերցնել, Իտալիայի բնակիչները բողոքի ալիք բարձրացրեցին՝ պահանջելով մեծ չափերով հարկել շահումը: Դրանից հետո սակայն շահողի նկատմամբ հետապնդումը չավարտվեց: Նրա հետեւից ընկավ մաֆիան, ինչի արդյունքում նա մինչեւ հիմա ապրում է թաքնվելով:

5. Ջանիթ Լին 1993թ շահեց 18 միլիոն ԱՄՆ դոլար: Բարեգործական նկատառումներից ելնելով Ջանիթը սկսեց բաժանել շահած գումարը տարբեր ֆոնդերի եւ հիմնադրամների, իսկ 2001թ. դիմեց դատարան՝ իրեն սնանկ ճանաչելու համար, քանի որ ողջ ունեցվածքը արդեն բաշխել էր:

6. Լոնդոնի բնակիչ Մարք Գարդիները 1995թ շահեց 11 միլիոն ֆունտ ստեռլինգ: Ընդամենը 13 տարի հետո նա կորցրել էր իր բոլոր ընկերներին, ընտանիքը: Նույնիսկ այն մարդիկ, ում նա հրավիրում էր շահած գումարներով գնված իր տունը, նրանից երես էին թեքել՝ իր մարդկային որակները կորցնելու պատճառով:

7. Մայքլ Քերոլը 9.7 միլիոն ֆունտ ստեռլինգ ջեքփոթը շահեց 2002թ:  Այս օրից ի վեր նա ավելի քան 30 անգամ հայտնվել է դատարանում եւ դատվել թմրանյութ օգտագործելու կամ վաճառելու պատճառով: 2008թ նա հայտարարեց, որ իր շահումից մնացել է ընդամենը £500.000, մնացած գումարները նա վատնել է:

8. Ուիլլի Հըրթը 1989թ $շահեց 3.1 միլիոն: Ընդամենը երկու տարի հետո գումարը այլեւս չկար, իսկ Ուիլին կանգնած էր դատարանի առաջ՝ որպես մարդասպան: Այդ երկու տարիների ընթացքում նա ողջ շահումը ծախսել էր կնոջից բաժանվելու դատական գործընթացների եւ կոկաին գնելու վրա:

9. Չարլզ Ռիդդլին 1975թ. շահեց 1 միլիոն ԱՄՆ դոլար: Շահումից անմիջապես հետո նա բաժանվեց կնոջից, «մասնակցեց» մի քանի դատական գործերի: Ի վերջո երկար տարիներով հայտնվեց բանտում՝ թմրանյութերի հետ կապված գործարքների մեջ ներգրավված լինելու պատճառով:

10.  Քեն Փրոքսմայրը $1 միլիոն շահեց Միչիգանի խաղարկությամբ: Շահումից հետո նա տեղափոխվեց Քալիֆորնիա եւ իր եղբայրների հետ միասին մեքենայի գործ սկսեց: Հինգ տարի հետո Քենը սնանկ էր եւ իր ծննդավայր վերադառնալու ճանապարհին: Մինչ այժմ էլ նա աշխատում է որպես ավտոմեխանիկ, ինչպես եւ շահումից առաջ:

Այս դեպքերից հետո ակամայից ժողովրդական մի լավ խոսք ես հիշում. «Ջրի բերած, ջրի տարած…»:

Advertisements

Ինտերնետը ոչինչ չփչացրեց…

Թողնել մեկնաբանություն

ինտերնետի_ազդեցություն«Տեսողությունը փչացնում է», «ողնաշարի հետ խնդիրներ», «բթացնում է», «գիրք չեն կարդում մարդիկ»… այս արտահայտությունները այնքան են ասվել, որ դրանք մեկ անգամ եւս կրկնելը այլեւս ոչ մի ազդեցություն չի ունենում, ինչպես ծխող մարդու համար «ծխելը վնասակար է առողջությանը» արտահայտությունը:

Իրականում ինտերնետի ազդեցությունը ուղիղ համեմատական է նրան, թե ինչպես ենք մենք օգտվում ցանցից: Թերեւս ես կարող եմ մեծ համեմատական գիծ տանել իմ կյանքի օրինակով՝ մինչեւ ինտերնետը եւ հետո: Սկսել եմ ինտերնետից նորմալ օգտվել այն տարիներին, երբ ֆեյսբուքը դեռ գոյություն չուներ, էլ չեմ ասում օդնօկլասսնիկի մասին: Կային բառարաններ, հանրագիտարաններ, որոնցից օգտվելը քեզնից մի քանի անգամ քիչ ժամանակ էր պահանջում, քան մեր «մանկության հին սովետական կանաչ հանրագիտարանները»: Ամեն հարցի շուրջ կար բազմակողմանի, չխմբագրված տեղեկատվություն:

Ինտերնետի օգնությամբ ես առաջին անգամ հասկացա, թե ինչքան հետաքրքիր են ֆիզիկան, քիմիան (չնայած որ դպրոցում սիրելի առարկաների ցուցակում դրանք ինձ համար վերջին տեղերում էին), հասկացա, որ աշխարհագրությունը եւ քարտեզագիտությունը կարելի է սովորել ավելի հետաքրքիր ձեւով (3D քարտեզներ): Համաշխարհային պատմությունը դարձավ ավելի պատկերավոր եւ հետաքրքիր, քանի որ բազմաթիվ պատմական դեմքեր կենդանացան՝ իրենց հագուստով, ապրելու միջավայրով, դարաշրջանով…

Ինտերնետի օգնությամբ սովորեցի… իմ մասնագիտությունը: Եթե չլիներ այն տեղեկատվությունը, որ տրամադրում էին միջազգային համալսարանները բաց դասախոսությունների տեսքով, ապա մասնագիտական շատ հարցրեր մինչ այսօր էլ ինձ համար բաց կմնային:

Ինտերնետի օգնությամբ գտա նոր հեղինակների եւ… ինտերնետի օգնությամբ գնեցի նրանց գրքերը, որոնք այժմ դրված են իմ գրասեղանին: Ինտերնետը իմ մեջ չկոտրեց ընթերցելու նկատմամբ սերը, չփչացրեց տեսողությունս (մինչ այդ գրքերն էին դա արել), չսահմանափակեց ընկերներիս հետ ոչ վիրտուալ շփումը եւ այլն…

Ինտերնետը ինձ հնարավորություններ տվեց: Առաջարկեց դատարկաբանել սոցիալական ցանցերում եւ ֆորումներում կամ սովորել լեզուներ, սպանել ժամանակը՝ անիմաստ աստղիկների մասին անիմաստ նորություններ կարդալով կամ ընթերցել համաշխարհային գրականության հատորներ, որ հայերեն չեն թարգմանվել եւ Հայաստանում չեն էլ վաճառվում, առաջարկեց խաղալ խաղեր՝ տափակ կամ տրամաբանական: Իսկ թե առաջարկներից ո՛ր մեկը ընդունեցի, արդեն իմ՝ անհատիս խնդիրն է: Եթե ուզում էի նստեի բլոտ խաղալու, բլոտ խաղացի ինտերնետով, եթե ուզում էի ֆիլմեր դիտել կամ երաժշտություն լսել, ինտերնետը տվեց այդ հնարավորությունը, եթե ուզում էի գիրք կարդալ, ինտերնետը ինձ չխանգարեց, եթե ուզում էի դաս անել, ինտերնետը ինձ չխանգարեց… Ծխող մարդուն իրենից բացի ոչ ոք չի կարող օգնել թողնել ծխելը, եթե ինքն անձամբ չի ուզում:

Ինտերնետը դարձավ մեծ խոշորացույց. բազմապատկեց թե՛ լավը, թե՛ վատը… ծուլությունը եւ աշխատասիրությունը, շփվելու եւ չշփվելու ցանկությունը… Եկեք ինքներս մեզ խոստովանենք, որ ինտերնետը ոչինչ չփչացրեց… այն միայն մատնացույց արեց այն, ինչ արդեն փչացել էր:

2012 in review կամ երկու խոսք անցյալ տարվա մասին

Թողնել մեկնաբանություն

WordPress.com-ի օգնությամբ ներկայացնում եմ իմ բլոգի 2012թ ամփոփ վիճակագրությունը:

Ահա մի փոքր մաս ամբողջական հաշվետվությունից.

Բերքլիի Կենտրոն կոչվող համերգասրահում տեղավորվում է 19,000 մարդ:  Իմ բլոգը միայն անցյալ տարվա ընթացքում դիտել են 78,000 անգամ: Այսինքն` եթե իմ համերգը լիներ Բերքլիի համերգասրահում, ապա  ես 4 անգամ ամբողջովին լի դահլիճում ելույթ կունենայի…

Ուղում եմ առանձնահատուկ շնորհակալություն հայտնել իմ հավատարիմ եւ ակտիվ ընթերցողներին, որոնցից ամենաակտիվն էին 2012-ին.

Շնորհակալ եմ բոլորիցդ, հույս ունեմ ձեզ բոլորիդ տեսնել 2013-ի ողջ ընթացքում…

Սեղմեք այստեղ` ամփոփ վիճակագրությանը ամբողջությամբ ծանոթանալու համար (անգլերեն):

Ինչպե՞ս խզել վարկային պայմանագիրը և չվճարել ոչ մի տուգանք

Թողնել մեկնաբանություն

Բոլորիս հետ էլ կարող է պատահել մի իրավիճակ, որ վարկ վերցնելուց հետո գրեթե անմիջապես փոշմանում ենք մեր արածի համար և որոշում հետ վերադարձնել գումարը… Բայց… Իսկ եթե մեզնից մեծ տույժեր և տուգանքներ պահանջե՞ն… Իսկ եթե մեր վարկային պատմության մեջ վատ բաներ գրե՞ն… Իսկ ավելի լավ չի՞ լինի խելոք սուս-փուս մարեմ վարկս… Լավ է՜… մյուս անգամ ավելի ուշադիր կլինեմ…
Այսպիով ավարտվում է մեր իրավունքների համար պայքարը, իսկ մենք չենք էլ տեղեկանում, որ ունեիք հնարավորություն, որից չօգտվեցինք…
Մեր երկրում կա մի շատ լավ օրենք, որի մասին պետք է իմանան բոլորը: Օրենքը կոչվում է «Սպառողական կրեդիտավորման մասին»: Այն կարևոր է հատկապես այն անձանց համար, ովքեր արդեն վերցրել կամ ցանկանում են ապագայում վերցնել ՍՊԱՌՈՂԱԿԱՆ ՎԱՐԿ: Սպառողական վարկը կենցաղային տեխնիկայի, առօրյա իրերի գնման և նման նպատակների ծառայող վարկն է: Երբ որևէ տեխնիկային խանութից ապառիկ եք վերցնում, դա նույնպես սպառողական վարկ է:
Սպառողական վարկը տալիս են միայն ՀՀ դրամով (իսկ օրինակ տուն գնելու համար վարկը կոչվում է հիփոթեք և այն կարող են տալ նաև այլ արժույթով, քանի որ հիփոթեքը սպառողական վարկ չի համարվում):
Եվ ուրեմն… Ինչպե՞ս վերադարձնել ՍՊԱՌՈՂԱԿԱՆ վարկը և ՉՎՃԱՐԵԼ ՏՈՒՅԺԵՐ և ՏՈՒԳԱՆՔՆԵՐ: Վերը նշված օրենքում կա հոդված 9, որտեղ ասվում է, որ սպառողական վարկ վերցրած հաճախորդը ունի 7 օր մտածելու իրավունք: 7 ՕՐՎԱ ԸՆԹԱՑՔՈւՄ կարող եք ՎԵՐԱԴԱՐՁՆԵԼ վարկը առանց տույժեր և տուգանքներ վճարելու: Բանկը կամ վարկային կազմակերպությունը իրավունք ունի Ձեզնից պահանջել ՄԻԱՅՆ օգտագործված օրերի դիմաց տոկոսագումարը, ինչը չնչին գումար է կազմելու:
Ուշադիր եղեք և տեղեկացեք Ձեր իրավունքների մասին, որպեսզի Ձեզ չխաբեն:

Էժան և մատչելի սեպտեմբերի 1: Մաս 4

Թողնել մեկնաբանություն

Նախորդ 1, 2, 3 մասերից հետո սա վերջին և եզրափակիչ մասն է: Այստեղ ներկայացնելու եմ այն խորհուրդները, որոնց միջոցով Դուք կարող եք ավելի քիչ ծախս կատարելով Ձեր երեխայի համար ապահովել ուրախ ուսումնական տարի, իսկ Ձեզ համար` ֆինանսապես թեթև ուսումնական տարի:

  • Եթե դպրոցում նկարչական դասընթացը պահանջում է 12 գույնանի մատիտներ, ուրեմն գնեք 12 գույնանի մատիտներ: 24 կամ 96 գույնը բացարձակ անիմաստ է: Մի բարդացրեք Ձեր երեխայի կյանքը, շատ մասնագետների կարծիքով երեխաները սթրեսի մեջ են ընկնում բազմաթիվ գույներից չկարողանալով ընտրություն կատարել, դանդաղում է նրանց մտածելու արագությունը, նվազում ուսումնական աճի տեմպը:
  • Չեմ հասկանում, թե ինչպես օգոստոսի 25-31 ընկած ժամանակահատվածում բոլոր հայ երեխաների հագուստները … ԿԱՐԴԱԼ ԱՄԲՈՂՋԸ

Էժան և մատչելի սեպտեմբերի 1: Մաս 3

Թողնել մեկնաբանություն

Նախորդ երկու հոդվածներում անդրադարձել եմ նոր ուսումնական տարին սկսելիս մեծ ծախսերից խուսափելու հնարավոր միջոցներին: Այս հոդվածում կշարունակեմ այդ խորհուրդները:

  • Շատ պարագաներ կարելի է ձեռք բերել ավելի էժան, եթե դրանք անցած սեզոնի են: Օրինակ` սպորտային համազգեստները, հեռախոսները և այլն: Նամանավանդ եթե դրանց նոր լինելը էական նշանակություն չունի աշակերտի համար:
  • Մտածեք հինը նորով փոխանակելու մասին: Օրինակ` հեռախոսի կամ համակարգչի հին մոդելը նորով կարող եք փոխանակել, կամ վաճառել, լրացնել մի փոքր գումար և գնել նորը:
  • Մի շարք մարդիկ նվիրում են իրենց դասագրքերը, հագուստը (շատ հաճախ այն օգտագործված էլ չի լինում), հեռախոսը, համակարգչի մասերը: Շատերը նորը գնելուց հետո որոշում են ոչ թե վաճառել ունեցածը, այլ նվիրել: Ձեր երեխան նույնպես կարող է փնտրել և գտնել նման իրեր, օրինակ ինտերնետի օգնությամբ:
  • Անամոթ խորհուրդ: Հարցրեք Ձեր … ԿԱՐԴԱԼ ԱՄԲՈՂՋԸ

Էժան և մատչելի սեպտեմբերի 1: Մաս 1

Թողնել մեկնաբանություն

Ամեն տարի օգոստոս ամսին ես զարմանքով նայում եմ այն ծնողներին, ովքեր խուճապի մեջ, շոգից և հոգնածությունից ճլորած երեխաներին ձեռքից քարշ տալով հսկայածավալ գնումներ են կատարում նոր ուսումնական տարվա համար: Ավելի շատ զարմանում եմ, որ մարդիկ չեն նկատում, որ այդ գնումների մինչև 50% անիմաստ են: Ավելին, հաճախ անհրաժեշտ է լինում նմանատիպ պարագաներ ձեռք բերել դասերը սկսելուց հետո, երբ պարզ է դառնում, որ շատ բաներ ճիշտ չեն գնվել կամ առհասարակ ավելորդ են եղել:

Գուցե տարիներ առաջ, երբ խանութները լցվում էին միայն այսպիսի օրերի, մարդիկ աշխատում էին միանգամից ամեն ինչ ձեռք բերել, քանի որ համոզված չէին, որ վաղը նույնը կկարողանան: Բայց այսօր, երբ ամեն քայլափոխի խանութներ և սուպերմարկետներ են, նմանատիպ խուճապը արդեն անհիմն է:

Այս և շարունակական մի քանի հոդվածներում կներկայացնեմ մի քանի խորհուրդ` ուսումնական տարին գրագետ գնումներ կատարելու համար:

  • Գնեք միայն այն, ինչի կարիքը ունի Ձեր երեխան: Նախօրոք ճշտեք, թե ինչ տետրեր, գրիչներ և այլ պարագաներ են անհրաժեշտ լինելու ուսումնական տարվա ընթացքում: Եթե դպրոցում կամ աշակերտների միջոցով այդ տեղեկությունը հասանելի չէ, ապա գնեք միայն մեկ-երկու աշխատանքային տետր և գրիչ, իսկ մնացածը ձեռք կբերեք, երբ ամեն ուսուցիչ իր պահանջները ասի: Այդպիսով կխուսափեք տանը մի քանի տասնյակ անպետք տետր կուտակելուց և, բնականաբար, ավելորդ ծախսերից:
  • Գնումներ կատարեք տանը: Նախ և առաջ փնտրեք, թե տանը նախորդ ուսումնական տարվանից ինչ պետքական իրեր կան: Գրիչներ, տետրեր, մատիտներ, մկրատ, գրքերի և տետրերի կազմեր, գրչատուփեր և այլն: Շատ դեպքերում դրանք բավարար են լինում առաջին մեկ ամսվա ուսումնական կուրսը անցնելու համար, իսկ հետգայում գնումները քիչ-քիչ անելով կխուսափեք ծանր և խոշոր գնումներից, ամառային շոգին խանութների քաշքուկից: Լինում է նաև այնպես, որ իրերը կարելի է բերել թարմ տեսքի և կրկին օգտագործել:
  • Ոչ մի տեղ գրված չէ, որ երեխայի … ԿԱՐԴԱԼ ԱՄԲՈՂՋԸ

Older Entries